Петар Печков

Објавено: понеделник, 26 август 2013 1924 326

Обврската на фудбалските лигаши  е  да обезбедат снимка  од натпреварот кој го играат на домашен терен,  па поради тоа  за секој натпревар се снима. Велешкиот второлигаш Борец  средбите ги игра на помошното игралиште оти Градскиот стадион е во лоша состојба и најавено е негово реновирање.  Затоа е изградено градежно  скеле високо околу три метри. Организаторот и изведувачот го поставиле ама заборавиле да изградат пристап до платформата, нема скали.

Така за да може да снима, младиот Иван Камчев мора да се снаоѓа како знае и умее, со помош на гимнастика.  И покрај неговите укажувања по првиот натпревар со Зајас,  дека се потребни скали, нив ги немаше и на средбата   со Скопје. Затоа скапата опрема ја качува и симнува со судни маки а тој има дополнителен час  по гимнастика.